بحث مخصص
ما ظنتي تذكرون المصاقيل .. فمع كل مصقال عرفته في حياتي كان هناك أهداف ضايعه يعني كثير من تطلعاتي طالعه تسلل يواجهني واقع مؤلم يعني صعب اي طموح أشوفه وكأني ما شفته يعني الدعوه طقها والحقها .. يعني بالوقت هذا مستحيل تبني مستقبل لك او تعيش تصور بكيف ممكن يكون وكيف راح نكون يعني بالعربي عيش يومك لاني أحس كأن بكره فيه نوع من الغدر لا تأمين مستقبل ولا تقدر تخطي خطوه لقدام يعني أمس كيس الرز ب50ريال بكره جدا يمكن يطق 90 ريال ولا رقيب ولا حسيب قلنا الدعوه ضربه اقتصاديه عالميه بس في ظل هذا التناقض كيف ممكن أبني أهدافي اللي كلها تسلل لا لا فيه شي طلع في العارضه بس بالنهايه صار رجل الرايه ما شاف الكوره ومع التحليل طلع الهدف بعد تسلل يعني العووجه عوجه فيني من سالفه المصقال وتلك الحفره التي عجزت أطبب فيها المصقال عموما حياتنا كيف ممكن تسير في الأيام الجايه؟ يعني لما أشوف ولد يدربي خوخته ما يدري هو يبي يصير خريج طب ولا خريج ليلي يعني وبيحمل "د" دكتور ولا داشر ...أستغرب بالبدايه بعدين ما ألومه حاولوا يدلعونه مجموعه من حراميه التعليم بطريقه انه يراقب نفسه وهو بزر ونسوا ان الولد تووه طفل وسعودي يعني مهوب طفل وياباني .. يعني ما أظن في اليابان يفطسوون على العطله مثلنا وفي العطله أكيد يستفيدون منها بعكس عيالنا في هالعطله من الفراغ يضيق من الفراغ ومن العطله يضيق من العطله لدرجه انه من الإنزعاج والعصبيه يقولون" تبيني أشق خلقي " يعني شي مثوارث حتى بالأسلوب يعني وش فيها اذا قال "تبيني أشق قميصي " خخخخخ أحسه ما تركب على سعودي وتمشي على مصري هع هع .. ضاعت الأحلام والأيام وما ادري بكره في ظل تلك الخربطه وين رايحن؟ وين بنكون؟ بس أتوقع راح يكون كل هالوجود نسخه من مصقالي اللي عجزت أطببه في حفره ..وما عليك بيطب بس بالصدفه ولكن متى؟ وين؟ وكيف؟ الله وعلم ..هواجيس
الاشتراك في:
تعليقات الرسالة (Atom)
مصاقيل
مصاقيل
تعرف!!؟؟
اضحكتني
وابكيتني
في ان واحد فورقات
رائع بوحك توصل الفكر بأسلوب سلس
تقبل مرورى اخي:
هطول حرفك
كالمطر ...
بللنا حب وعشق فما اجمل حروف
الحب حين تقال بصدق ..
♥ ملكة الأحساس ♥
ملكة الأحساس ...
زيارتكِ الاولى واتمنى ان لا تكون الأخيره
لانها قادتني الى مدونه رائعه يشرفني متابعتها ..
وما أنا الا مجرد كاتب في بدايه الطريق
يسعدني ويشرفني حضورك
مع أطيب التحايا