بحث مخصص
مشكلتي مشكله وفي لحظات أحس بتعاسه غير طبيعيه والسبب كله يرجع للفيصلية والمملكة !!!؟؟تقولون لي وشلون .. أقولكم وشلون ..!!
كل ما أدخل تلك الديار يعني الأماكن أحس أني ما عشت طفوله أحس أني مره قروي وكني ((مهثول ))
يعني يا فيها شعور ( كشش ) صابين عليها زيوت وشحوم المهم تشووف شعور واقفه ونا أصلا واقف شعري خلقه بس كنت من بداية عمري أستحي أطلعه ولذلك بعد مرور تلك السنين العجااف على شعري صار هاليومين موضه وصار محبوس تحت الشماغ والطاقيه وأفرررح وشتشقق اذا أنمسسسسد من الحر والطاقيه خخخخ الله من الخياس ما علينا من الخياس أهم شي يصير وقتها بنظري ناعم من جد ..
في تلك الأماكن ( هالجملة متعوب عليها أستاهل تصفيقه طع طع مهوب تسطير أعنبو بليسكم يالسعوديين ما فيكم رومنسيه من جبت تصفيقه وكل واحد وده يدبجني ) أحس اني أمشي ونا أتفقد كل حوستي وخلاقيني أشوف هو ساكب الشماغ زين ولا ما سكبته ولا طرف النعال مغبر ولا أروح أقرب حماام وأغسله وأطلع من الدوره وأنتم بكرامه وأطبع في وسط السوق يعني طالع رطاريط من عقد نفسية من أدخل حتى أطلع لا وأزيدكم مع الشعر بيت كذا مره من هالحركة بغيت أبط على وجهي يعني أنواع الزحفااان وكل هذا شي وكتمت النفس ونا أمشي شي بتقولون ليش لا أبد حتى أبرز صدري ويقالي مرسم ومشخص يعني لو يوقفني أحد ونا أدور خطررر أغسل نعفته غسل من زود الكتمة الل حااابسها في نفسي ومعذب الحجاب الحاجز تعذيب ما غير مسوي له ضغط غير طبيعي حتى أصرف شكل الكرشه هع هع المهم ونا أدور كثير يقهروني هالأجانيب العن بليسهم بطون وكررش ومع البدله اذا لبسوها طلعت زينه ولو ألبس مثلهم واكشخ الا أطلع كني متعفط ولا منطعج على جنب من جد حالة مأساويه لو يشوفوني جمعية الرفق بالضبان من جد يتبنوني ويعيدون تأهيلي من جديد لا عاد تخيلو شكلي ونا مسوي سبااايكي لا لا لا ما أصدق لا وبعد بيطلع سبايكي حقي طبيعي من زود الخووص اللي متركز فوق راسي .. ترى أمزح عاد بس حبيت أفرفشكم ترى شعري وش زينه يعني يعبر حتى أسألوا بنت خالتي لطيفة .... هع هع هع
المهم هل الإنتقال من مجتمع قروي الى مجتمع متطور يعدم النفس والأخلاق البشرية .. مدري بس ما أتخيل نفسي كاشخ بنطلون جنز وحركات وجالس أدور في الرياض أحس كن العالم بتجلس تشوفني وتضحك ليش ما أدري أحسني كذا من الله شكلي ما ترتب أبد وطالع متلخبط وأحس شي ما اخذ مكان شي يعني يبي لي ترتيب وحوسه حتى أقدر أفكر أني ألبس بنطلون .. ايه الله يذكرك بالخير راحت أيامك يا الشلحة .. حتى البنت اذا تسوي متطوره تجحد أنها تعرف الشلحة أيه دنيا ..
اليوم شفت واحد حسيت أني نسخه منه على أنه شايب من جد بس حسيت انه جاي من بعيد يعني قروي من جد وبعنف يعني ما تطور مثلي هع هع ومسوي كااشخ وهوو معصقل مره يعني مسوي حركة رزة الصدر حقت الرسميه طالع منشفط من جد كنه شفااط حق عصير سنتوب (( لخارج نجد.. مزاز يعني مصاص عصير خخخخخ)) لا ومن زود كشخته مطلع القذله على جنب وهالشايب طااق الكشخة وساكب الشمااغ كوبرا ولابس نظاره ماادري هي مظلمه لأنه شايب ولا بنيه ولا شهب لا وزيدكم بعد مع القذله اللي طالعه مع كل جهه لونها بني مع أحمر عاد ما ادري وش أسمها هالصبغة عند الحريم بس عندي أسمها شايب محني شعره الأبيض وطالع لونه بني خخخخخخخخخ وهو فعلا كان مسوي كذا ..ومكشخ ولده ومخليه ينبسط من جد من قده جاااييين الرياض وعلى فكره ما يلتفت هالأشهب وماسك الولد من زود الحنان مع رقبته حركات شياااب وراسم للولد نمر وملبسه حقت سبايدر مان يعني تقول كنه مدرب نمور مع هالمسكه وشوي بيدخل به السرررك هع هع هع وما يمر جنب بنات الا تصغر عيون البنات في النقااب من زود الضحك عليه وأصلا المتغطين محسوبين يعني الضحك عيني عينك اللي تجي مسرعه هي وخوياتها تبي تشوفه وتضحك .. وأعنبو بليسكم معاد فيه أحد يتغطى في هالرياض وش السالفة ..
وأكثر ما لفت أنتباهي ان كل التجار مسافرين هاليومين وما في الفيصلية الا عيال الفقر شرواي خخخخ ما أخذين راحتنا ولا لو فيه عيال الحراميه والتجار كان ما جينا أصلا ... لا صح والأجانيب بعد واجد لدرجة أني سمعت وحده لقت واحد يقرب لها مدري صديق العائله المهم يوم جت تمشي قالت له بخاااااطرك .. يعني أكيد أجانيب مهيب سعوديه لأنها بعد كاشفة والسعوديات بعد مهوب يقصرون يكشفون بس ما دلني على أنها اجانيب الا منطوقها اللي ما يجي الا في المسلسلات وخصوصا الشاميات .... وكلهم يقحشون قحش من هالسوق ونا ما غير مطيرين عيونا فيهم تخيلوا يشترون ويتقضون والراتب ما بعد نزل << سعودي يفحط ينتظر هالراتب !! وأبد جيدين نروح اذا لزقو على هالقزاز تخفيض 75 % يعني ملابس أخر المستودع ( ترى ما أقصدك ياللي في بالي لأنك كاش وتشتري حتى وقت العيد من هونيك بس الشكوى لله في خاطري أعبر عن المجتمع ) ايه وترى جد متعقد ودي ألبس بنطلون جنز في الفيصليه وش أسوي هقوتكم البس ونا متلطم قل ليش مسوي لورنس الأخ ..الا على طاري الجنز ما نلبسه يالطبقه اللي ما عاشت مراهقه ولا حركات الا في السفر مره كنت بمصر ومودي معي كم بنطلون المهم الا أبي انزله للمغسله الا وذيك البنت اللي تستلم ويوم جا اليوم الثاني وأجي وأبي بناطيلي وتجحدني وتقول مالك شي أعنبو بليسك وش مالي شي وأبد وتطقطق الهواجيس في راسي وأتخيل خوانها كاشخين فيها بعرس المهم يا غريب كن أديب قلت أجل خلاص أجل ما أبيهم المهو يوم جيت اليوم الثاني وتناديني وتقول ايه لقيناهم والقصد من السالفه مهيب المغسله القصد ان حظي نحس مع هالبناطيل حتى بالسفر يعني جالس أحوس بمصر يا بثوب أماراتي او بسروال وفنيله أقطع أم السعوده اللي في مصر بس هذي أضطر كذا اذا أبي أجيب غرض قريب من البقاله او أجيب ملابسي من المغسله <<< يا فيه ناس ودها تسطرك شووهت من جد السياحة والإتكيت السعودي ههههههههه لا لا خلو مصر والمغرب وسوريا ولبنان أيام التفجيرات وماليزيا وتايلند واندونيسيا ولندن وباريس وأسبانيا ومراكش والسودان والديار التحتيه الأفريقيه وكم ديره على جنب بعدين بسولف لكم عنها ( يا زين النصب حسيت أني من جد ولد شيوخ ونا أكتب البلادين وأني مره مقطعها شارع شارع وهالشانزلازيه كن دريشة غرفتي تطل عليه من زود البطره عموما بعدين يا بدور سالفة من بطني ووسع صدوركم ) الكلام الحين في الفيصلية وأبشركم ركبت سيارات التصادم اللي تحت ووجعني ظهري أبيكم تقولون ليه ؟ علشان أقولكم صادمتني بنت لا وبعد ما تغطت ومسوي أبد كني أدور في التحلية ومعي بانوراما ما ألتفت لأحد مسوي ثقل ونا أصلا طقني الإرتباك ودخلني البرد وكل الفصول الأربعه وحوس في نفسي الا أبي أجمع كلام أقوله وكل مره بقول كلمه اخاف يضحكون علي وهجد وأعنبو بليس هالبنات يضحكون ويصدموني من جد انا أستحيت صرت أدور من بعيد لبعيد من الخجل طبعا ً بس طالع كني ثور من زمان عن سيارات التصادم من الحوسه جالس أدور فرامل خخخخخ وترى كل هذا وعلي شماغ والعقال ماايل من الحماس لأني أذكر أني أيام المراهقه حتى ما تقولون شايب كنت أتلطم يقالي طاااق الززين
المهم هل الإنتقال من مجتمع قروي الى مجتمع متطور يعدم النفس والأخلاق البشرية .. مدري بس ما أتخيل نفسي كاشخ بنطلون جنز وحركات وجالس أدور في الرياض أحس كن العالم بتجلس تشوفني وتضحك ليش ما أدري أحسني كذا من الله شكلي ما ترتب أبد وطالع متلخبط وأحس شي ما اخذ مكان شي يعني يبي لي ترتيب وحوسه حتى أقدر أفكر أني ألبس بنطلون .. ايه الله يذكرك بالخير راحت أيامك يا الشلحة .. حتى البنت اذا تسوي متطوره تجحد أنها تعرف الشلحة أيه دنيا ..
اليوم شفت واحد حسيت أني نسخه منه على أنه شايب من جد بس حسيت انه جاي من بعيد يعني قروي من جد وبعنف يعني ما تطور مثلي هع هع ومسوي كااشخ وهوو معصقل مره يعني مسوي حركة رزة الصدر حقت الرسميه طالع منشفط من جد كنه شفااط حق عصير سنتوب (( لخارج نجد.. مزاز يعني مصاص عصير خخخخخ)) لا ومن زود كشخته مطلع القذله على جنب وهالشايب طااق الكشخة وساكب الشمااغ كوبرا ولابس نظاره ماادري هي مظلمه لأنه شايب ولا بنيه ولا شهب لا وزيدكم بعد مع القذله اللي طالعه مع كل جهه لونها بني مع أحمر عاد ما ادري وش أسمها هالصبغة عند الحريم بس عندي أسمها شايب محني شعره الأبيض وطالع لونه بني خخخخخخخخخ وهو فعلا كان مسوي كذا ..ومكشخ ولده ومخليه ينبسط من جد من قده جاااييين الرياض وعلى فكره ما يلتفت هالأشهب وماسك الولد من زود الحنان مع رقبته حركات شياااب وراسم للولد نمر وملبسه حقت سبايدر مان يعني تقول كنه مدرب نمور مع هالمسكه وشوي بيدخل به السرررك هع هع هع وما يمر جنب بنات الا تصغر عيون البنات في النقااب من زود الضحك عليه وأصلا المتغطين محسوبين يعني الضحك عيني عينك اللي تجي مسرعه هي وخوياتها تبي تشوفه وتضحك .. وأعنبو بليسكم معاد فيه أحد يتغطى في هالرياض وش السالفة ..
وأكثر ما لفت أنتباهي ان كل التجار مسافرين هاليومين وما في الفيصلية الا عيال الفقر شرواي خخخخ ما أخذين راحتنا ولا لو فيه عيال الحراميه والتجار كان ما جينا أصلا ... لا صح والأجانيب بعد واجد لدرجة أني سمعت وحده لقت واحد يقرب لها مدري صديق العائله المهم يوم جت تمشي قالت له بخاااااطرك .. يعني أكيد أجانيب مهيب سعوديه لأنها بعد كاشفة والسعوديات بعد مهوب يقصرون يكشفون بس ما دلني على أنها اجانيب الا منطوقها اللي ما يجي الا في المسلسلات وخصوصا الشاميات .... وكلهم يقحشون قحش من هالسوق ونا ما غير مطيرين عيونا فيهم تخيلوا يشترون ويتقضون والراتب ما بعد نزل << سعودي يفحط ينتظر هالراتب !! وأبد جيدين نروح اذا لزقو على هالقزاز تخفيض 75 % يعني ملابس أخر المستودع ( ترى ما أقصدك ياللي في بالي لأنك كاش وتشتري حتى وقت العيد من هونيك بس الشكوى لله في خاطري أعبر عن المجتمع ) ايه وترى جد متعقد ودي ألبس بنطلون جنز في الفيصليه وش أسوي هقوتكم البس ونا متلطم قل ليش مسوي لورنس الأخ ..الا على طاري الجنز ما نلبسه يالطبقه اللي ما عاشت مراهقه ولا حركات الا في السفر مره كنت بمصر ومودي معي كم بنطلون المهم الا أبي انزله للمغسله الا وذيك البنت اللي تستلم ويوم جا اليوم الثاني وأجي وأبي بناطيلي وتجحدني وتقول مالك شي أعنبو بليسك وش مالي شي وأبد وتطقطق الهواجيس في راسي وأتخيل خوانها كاشخين فيها بعرس المهم يا غريب كن أديب قلت أجل خلاص أجل ما أبيهم المهو يوم جيت اليوم الثاني وتناديني وتقول ايه لقيناهم والقصد من السالفه مهيب المغسله القصد ان حظي نحس مع هالبناطيل حتى بالسفر يعني جالس أحوس بمصر يا بثوب أماراتي او بسروال وفنيله أقطع أم السعوده اللي في مصر بس هذي أضطر كذا اذا أبي أجيب غرض قريب من البقاله او أجيب ملابسي من المغسله <<< يا فيه ناس ودها تسطرك شووهت من جد السياحة والإتكيت السعودي ههههههههه لا لا خلو مصر والمغرب وسوريا ولبنان أيام التفجيرات وماليزيا وتايلند واندونيسيا ولندن وباريس وأسبانيا ومراكش والسودان والديار التحتيه الأفريقيه وكم ديره على جنب بعدين بسولف لكم عنها ( يا زين النصب حسيت أني من جد ولد شيوخ ونا أكتب البلادين وأني مره مقطعها شارع شارع وهالشانزلازيه كن دريشة غرفتي تطل عليه من زود البطره عموما بعدين يا بدور سالفة من بطني ووسع صدوركم ) الكلام الحين في الفيصلية وأبشركم ركبت سيارات التصادم اللي تحت ووجعني ظهري أبيكم تقولون ليه ؟ علشان أقولكم صادمتني بنت لا وبعد ما تغطت ومسوي أبد كني أدور في التحلية ومعي بانوراما ما ألتفت لأحد مسوي ثقل ونا أصلا طقني الإرتباك ودخلني البرد وكل الفصول الأربعه وحوس في نفسي الا أبي أجمع كلام أقوله وكل مره بقول كلمه اخاف يضحكون علي وهجد وأعنبو بليس هالبنات يضحكون ويصدموني من جد انا أستحيت صرت أدور من بعيد لبعيد من الخجل طبعا ً بس طالع كني ثور من زمان عن سيارات التصادم من الحوسه جالس أدور فرامل خخخخخ وترى كل هذا وعلي شماغ والعقال ماايل من الحماس لأني أذكر أني أيام المراهقه حتى ما تقولون شايب كنت أتلطم يقالي طاااق الززين
بس ما تلاحظون أني أهذر واجد لا تلوموني من جد أنواع العقد من أطلع من هالأسواق أحس أني أشهب من جد ويبي لي حجز عن حلاق هوليود اللي بالتحليه حق المعاريس لمدة شهر ولا شهرين يالله يكفي وأتصنفر من أول وجديد بس أحس بيطيح شلخ وش كبرها مني ويمكن أتسبب في تقفيل الحلاق وأكيد بيقولون السبب نفس سبب تسكير مطعم الفخار ذاك المزعج بس يستاهل كل ما أروح له ما القى طاوله وأغير المطعم يعني ما فيني بكتيريا حقت المجاري خخخخخخ << يبي يسد نفس اللي قد تعشى فيه
وعلى فكره كل هالحش والكلام ناتج عن قلة تطبيق الأمثال اللي بس نسمعها ولا نسويها فمثلاً المثل اللي يقول أهم شي الأخلاق ..
من كثر ما حاولت أصير أخلاق ما عمرها بنت فكرت تلتفت لي في سوق ولا تعطيني وجه كل مره أحس أني أتحطم أكثر وأكثر وما عمري بيوم حتى لو بالغلط وحده أشرت لي ولا عجبها شكلي ولا أقل شي تشر لو جبر خاطر ولما أفز وتنهد عادي لو تصير الإشاره لولدها الصغير تناديه يعني حتى بالغلط ماعمره صار لي شي يذكر في تاريخي او موقف يخلد من أجل المدونه والضيوف وترى مهوب طموحي أني أغازل بس كل القصد أبي أكتب القصه والسالفه لكم كمغامره مرة علي بحياتي <<< تف عليس حامضه هههههههه
وترى عاد المفروض يالبنات اللي تدخل السوق بجلابيه ولا خلاقين شوي ولا طرف عبايتها مغبر وكله تراب من الطعوس اللي مرت فيها المفروض تفكر في النوعيه طقتنا وتعطيها وجه وأبد مهوب طموحنا البنات اللي فاتشات ولا طاقه لثمه ولا ذيك البنات اللي تقول جايه عرس ما جت سوق يعني أبد كل مانحتاج فقط رفع معنويات هاااه وش رايكم أواعدكم في المملكة كلكم وأهم شي تعبروني مهوب عاد صدق تكسرون أبو جدان باقي معنوياتي وترى القصد بس حتى نحس أننا أبد مطلوبين وقت الزواج يعني كل العملية كسب أجرلكم وفيني مهوب نغمض ونصحى ونلقى لنا سرير في شهار ...........
وعلى فكره ما أعرف أسامي ممثلين أجانب وبطقاق أحفظ أسامي لعيبه وأنديه أوربيه وتحفرون أذكر أسمع فلم أجنبي قد شفته يعني أتابع أفلام بدون أسامي الا كينق كونق هو الوحيد اللي ما نسيته وتبطون أعرف ما ركات ما غير أشتري اللي يصلح لي وبس والله لا جفنشي ولا كريستيان ديور ولا لانكوم ولا نينا ريتشى ولا شانيل أكيد فيه ملاقيف يقولون وش هاللي يقول ما يعرف ويذكرها لا أبد الله يسلمكم الله يخلي الأخ قوقل راعي فزعات حتى أزبرق الموضوع لكم خخخخ وشكل أكبر مشكلة في حياتي هي المسلسلات المصريه اللي طلعت لي في أول حياتي ..
وللحديث والجنون موعد قادم .. هو111جيس
(( جلغمه متهرطقه ))
(( جلغمه متهرطقه ))
( جنون الصيف )
الاشتراك في:
تعليقات الرسالة (Atom)
خطيرررررر يابو شعر ناعم... بشهادة بنت خالتك لطيفة....
وانت وش لك في الفيصليه والمملكة وانت انواع التعذيب والا وش ذنبه الحجاب الحاجز ترفعه لين بغى يطلع مع فمك <<< ميته ضحك
شكل ابو شعر بني شايفك قبل وسوى مثلك
الا يعني اشخص في الفيصليه !!!
وبعد بعد تلعب في الملاهي والله انت منتاب سهل <ّ<ّ< شكلك معصقل وكل شوي تنطط من التصادم!!!؟ عالعموم لين رحنا هناك ماراح نتعب وانا ندورك بتوضح على طول مع نفخة الصدر ّ<ّ< وش حادك
ليتك حاط صورة لك علشان توضح الصورة اكثر ّ<ّ<ّ مهوب بس طلبي طلب كل زوارك والا ؟؟؟؟
اخيرا من جد فاصل مجنووووووووون
يعطيك العافيه ...
موضوعك طويل شكل في بطنك كلام كثير طفشان شكلك انصحك بالتغييير<ّ<ّ افهمها يعني خخخخخ
مساكـ الله بالخير ^_^
فاصل خطير ومهوّي ،، بالنسبة للعالم اللي هناكـ هم جايين حق الترزز ،، ويعني شوفوني ياناس ،، بصراحة مسخرة من جد ^_^
وبيني وبينكـ إذا رحت للفيصلية وإلا المملكة عشان اتقضى بعض اللوازم يجيني صداع من الأشكال اللي هناكـ ،، معذبين أنفسهم تعذيب روحي وتلاقيهم متحملين ذا الحوسة والكشخة وبالآخر سوق !! ^_^
اللي تبي أو يبي يكشخون ويترززون فيه أماكن وأشخاص ينكشخ لهم وينتزين لهم
أقرب مثال لكـ كشخة الزوجة لزوجها مثلا وهو كذلكـ .. الكشخة في أماكن خاصة لكل جنس ،، مو عامة للجنسين جميع وكل من هب ودب يشوفني كاشخة ..
حلو أن الإنسان يحافظ على مظهره بس بصورة طبيعية وغير مبالغ فيها :)
بس وين العاقل اللي يدركـ هالأمور :(
أستاذ هو111جيس موضوع انتقادي رائع حمل ب في ظاهره معنى الهزل لكنه مضمونا يقصد إتجاهات أخرى أعمق وأعمق ،،
أطيب الأمنيات لكـ ,,
^_^
بنت البدو
أبك أبك .... وش فيك هجوم إنتحاري
يا بنت الحلال خليني أعبر احس حتى أبي اصيف وينط لي هالخناازير
يعني هي خاربه خاربه
خليني .. ألعب كريم خخخخخخ
الله يعافيك بس ترى مهوب انا اللي متشفط بس في الفيصليه
نصف الشعب تحسين بطنه ف حلقه من زود الشفط خخخخخخ
الله يعليك الا اقلطي عندنا الا تم
ابد عشاك ذلليل في محلنا
وعلي الط .. . ط ط ط
<<< خااف يحلف بالطلاق ويتوهق خخخخخ
تحياتي
مساء الأنوار غادة
مدري حسيت من اللهجة الغاضبه
انك ابد تكشخين بالجلابيه ولا القميص
وشحاااطاات وانتوا بكرامه وتفحطين في هالفيصليه
ولا همك احد
ايه أشوى فيه نسخه من الرجال عند البنات
<<< من جد أتخيلك وانتي مره داعسه في الأسيااب بس يالله خلوني أخلص
تقولين كنك راكبه دبااب ..
<<< بتتصفق انت وخيااالك
طيب طيب يعطيك عافيه على المرور والحضور
وكأني أراكِ ملامسه المعنى العميق للموضوع بمضمونه ومحتواه
أطيب التحايا ..
مرحبا ،،
كل هذا تحس فيهياهواجيس >> البنطلون امره سهل اجمع كل ثيابك وخرها عن وجهك << وتلبس البناطيل غصب >> هذا عيبكم يالسعووديين الثووب = الرجوله
وماتعيشون بدون سروال طويل وفنيله
ياويلي على النظام الخايسس صدق ..
ياخي من زينها الثياب الحين مدري وش مخليكم متمسكين فيها لهالدرجه >> كنكم زيوود<_< بس الشكوى للــــه
اجل برج الفيصليه اجل
الحين معاد فيه مراهقه تلقاه شايب منتهي ويرااهق هو وجهه <_<
فلهاوربك يحلها
احااسيسك غريبه نوعا ما بس احس انك على نيااتك وقلبك ابيض كح كح
ههههههههههههه
والله كلامك تووحفه
ونصيحه لازم تأخذ لك دوره في فن الاتكيت عشان تساير عصرك والا بتتعب وتتحول التعاسه كئابه :( بعيد الشرر عنك خيو
امممم وش بعد بقوولك >>
ايه صح ذكرت نسيت اقولك الحمدالله على السلامه والعمره مقبووله ^_^
ومدوونه رائعه >> افكر اسوي مدونه واطلق العنان لقلمي ,,,
والى الامام دائما
عندمايختم الجوازوتخرج الي بلاد لاتعرف حبك الابقدر فلوسك\\\\الفيصليه\اللمملكه\\\ يكفي بطاقه شحن وبعدهاينم الشحن هي الحياه فرص اخذؤعطاء وصرف وتبذير ؤالتهايه حزن وضرب على الخدود الامارات كلهم اجازات (للاذكياء فقط)المغرب بعد العشاءكلهم هناك