بحث مخصص
هل تعلم أين هي حياة مول ؟.. أنها الحياة
أنها الأكشن أنها الإثاره ..يعرفها ساكنين الرياض
والزاحفين الى التطور بكامل الأناقه
تكن أكشن في حياة مول .. من هنا كانت إنطلاقتي
أيام عيد و ملابس عيد وحركات يعني الدعوه
جديد في جديد وين نروح وين نجي مالكم الا حياة مول
وترى ماانيب قروي بس أحب أزاحم التطور متأخر
المهم أكشخ لا تكشخ برد شوي اووه فرصه
عندي الجزمه زرقا ( وانتوا بكرامه ) زرقا مهيب كحلي
وش اقولكم وش اقولكم بين الازرق والسماوي
لا يعني تهبل تخقق البنات من تشووفها من بعيد وسالفتها سالفه
اصلا شاريها أيام الحر أيام عيد الفطر
بس ما لقيت لها شراب الا في عيد ضحيه خخخخخخخخخخ
وما خليت أحد الا اوصيه يدور لي هاللون
ما أكذب عليكم جااني عليها عروض بيع يعني فيه ناس بتشتري
وجاني عليها طلبات بس من كثر الإعجاب
من الغير تمسكت فيها وجت الطلعه الميمونه
وين نروح ما فيه مكان برد.. لا بنجلس بالبيت..
لا لا أي شي أهم شي نطلع
طيب نروح حياة مول لان ذيك المره رحنا ولقينا كل شي مقفل
يعني بنروح بدري ونشوف كل شي طيب
لحظه خلوني أصلي المهم صليت طقيت الزين كني البخت يا جعلي أسلم
لا لا وش زيني أفررررك لا تفرك وجهك بالفووطه
المهم حكيته حك أبي أصير جديد تزززينت ولبست الجززمه اللي أنتوا خاابرين
.. يعني أثقل يا يقيل وكل البنات بتشووفك
يعني تخيلي قبل أدخل السوق ما فيه أحد بيشوف وجهي
أبد كل عيونهم بالرجلين خخخخخخخخخ شكلها مخققتني قبلهم
أحسكم تحمستوا تشوفونها بس عادي تبطون تشوفونها ..
ايه صح قبل أنزل تشش تش تشش شكلكم تقولون وش تشش يعني جالس
أتعطررر خخخخخخخ شكلي بتسطررر المهم عطر وجززمه كلها
أكشن يعني لا لا لا أني أتمززع مع الكشخااات
بسم الله وهذي دخله للحياة للأكشن للمووول .. أناظر بنص عين
ايه يقالي ثقل تخبرون حركات الأولين
ايه صح صح ما قلت لكم متعنقط بعد قبل أدخل بالسروال
خااف يصير أطول من الثوب و أصير تحفه مثل خالي ما نيب قايل أسمه
وأتكفخ هالمره وهذي خطوه وهذي خطوه
أني أتجه الى مدينة الملاهي يعني الالعاب خخخخخ
وشوو وش أشوووف الله يخلف صدق صدق صدق
انا في السيف بالبحرين ولا بالرياض لا لا شكلي بألامارات مووول
المهم أستحيت من عمري حسيتني من السعوديه قبل الهجره
او أيام الأبيض والأسود بققت عيوني وطارت وشوووو لا لا لا وشووو
البنت هي اللي تكلم الولد لا لا ما اصدق
بعد بعد وهذي ثانيه تقول تعال أركب
معي اللعبه وهناااك بزر وش بزر الا أدور أي علامه للبلوغ ما لقيت
متشققه ضحك أعنبو بليسها وش العلم وش السالفه يؤ يؤ يؤ وش
هالشغاله تلاغي ( تقوم بالصراخ ) على البنات الي معهم
تعالوا ولا بدق على أمكم صدق الحين اللي أشوف وش السالفه
لا لا شكلي أحلم لا معقووله بزران يعااكسون يعني يغازلون
ووووووووووين لدرجه من الميانه اللي بينهم حسيتهم يقربون لبعض
هههههههههههههه وش يقربون لبعض الا أخوان عادي
تناديه عادي تضربه عادي يجي يعلق عليها
.. ايه ايه وقفوا وقفوا
أعنبو بليسه وراه لابس نعااااال مختلفه وحده شكل وحده شكل ثاني
بس كلها نفس حقت راعي الاسمنت أيه تسمونها (كوتش )
أقضبه أقضبه وشووو أعنبو بليسك وصل رجليك يضحك ونعفته يحسبني أمززح
ايه سرواله طااايح من كثر ما طااح أحسبه شررراب (دسوس)
شتوي غليض( يعني ثقيل ) أحسبه يبي يدفي عمره أكثررر خخخخخخخ
طلعت خرطي طلع موضه يمشي وهو يطيح خخخخخخ
أيه أكتشفت شي عظيم بعد يا كبر كششهم كشت الواحد
كبر راسه مرتين اول الأمر ما خاابت الهقووه قلت يمكن بيضحوون وما
لحقوا على الحلاقين طلع كل الموول ما بعد ضحووا خخخخخخخخخ
الكششش وش كبرها كشة الواحد كبري انا وجزمااتي خخخخخخ
يا ويلي ويلاه من بينااظرني الحين من بيلتفت لي الحل الأخير ..
أهجد في ذاك الكريسي وحط رجل على رجل لعل وعسى من العهد
القديم يحوووس حولك ولا يلتفت لك ولا أقل شي تعجبه جززززمتك هع هع هع
تعبت رجيلاتي على بعض أعدل أبدل ما حولك أحد لا لا تعدل هين جت وحده
... أمحق من وحده وش لابسه وش مخليه شكلها متغطيه
ببطانيه احمر وزرق و أصفر أجل صد تصوم تصوم وتفطر على بصله
.. أعنبو بليسهم انا شين مهيب مشكله بس طيب وش ذنب جزماتي
ولا ذبه ولا أي تعليق ولا حتى أحد ألتفت ...
لا أبووكم لا أبوو السسسسلب ومن جمعكم ..
أيه الحين نفسي في خشمي وش السالفه هيئه
أيه خلني أجمع كلام أذا قالي وش مجلسك أقوله
أبد انتظر الأهل والحركات التصريف القديمه أهو شافني ولا ما شافني وأبد كني الجدار
داري ما فيه أمل أحد يكسب سيئات بسببي خخخخخخخخخ
يا جعلي أسلم قنوع بشكلي و أموري المهم العيون طايره الدعوه تليل والهيئه فيه
ومعاد أحد يفكر فيها هي موجوده ولا مهيب موجوده انزل تحت وش تحت
الا ادور مطاعم كل الدعوه قفلت ونا ما غير فااااق ثمي
أتفرررج أجل يالله جمع الأهل وظفهم بس خلنا نمشي ما طلعنا الا بهووواء
.. أي أي الهيئه تحت عند البوابه
وش السالفه أطمرر يا هواجيس رح شف يوم الدعووه اكيد هنا أكشن جديد
امحق كل العيال صاروا يمونون على الهيئه وشو وشوووو
يسلموووووووون خشووووووم ذا مطاوعه اكشن
وحرررركات وش العلم وش الكلام قلت أكيد يعرفون بعض ولابعد يقربون لبعض
.. هع هع طلعوا حتى الهيئه مشبكينهم الشباب
وصاروا يسلمون على كل الشباب يودعونهم خخخخخخخ
لالا ما بعد تأكدت أني في السعوديه
أحس كن المطوع وده يقولي الحين وش جاابك وخلاقينك
والهمزرقه من الشمس .. ورايح لونها خخخ
ايه صح لو أحسب لكم المتغطين في المووووووول
كله ما طلعوا عشر الا وش عشر الا سبع
المهم بعد هالفلم الأكشن أطمررر للمطعم
الساعه تقريبا وحده وربع وما أمدانا ناكل في الحياااة
قلنا أجل ندور لنا مطعم حركات صاير اليوم يوم الحركات ...
يمين يسار كل الدعووه قفلت .. أمحق امحق الا أمحقين
هناك تطور وسهر ومطعم ما جت 2 الا قفل كل شي ء
وش هالتضارب أفكار .. المهم اللي معي صار يطلع من فمهم ناار من الجوووع
ولا دينصورات أعنبو بليسهم نفخووو ناااااارهم فتحت النوافذ ( الدرايش) من الكتمه
والقزاز(الزجاج الأمامي ) غيم منهم خخخخ شكلي
بتسطر لو يقرون هذا .. المهم مع كل هالحوووس وحالتنا حاله
ردينااهااا على خبز وجبن وعصير وبيره نهضم
وش نهضم يا حسرررره .. شكلنا بنهضم الامعاء الدقيقه من الجووووع
يا ي يا ي .. موعد أخر مع الحياة مول حياة أكشن .. بس من يشوفني بليززز بليززز عبروني
حتى لو جبر خاطرررررررررررر وبعد تكسبون أجر على العطف على اليتيم خخخخخخخخ
شكلي أوجعت قلووبكم بهالكلمه
أجل يومني أوجعتكم .. ترى المااااااااااااريه.....
جزماتي الزرق مدري التركوازي ...وأنتوا بكرامه ,, أطيب التحايا
تقليعات هواجيس تقليعات العيد خخخخخخخ ( تقليعات حقيقيه )
الاشتراك في:
تعليقات الرسالة (Atom)
هو111جيس ,,
ضحكت لين قلت آآآآآمين ,,
هاهاههههههههههااااا ,,
صارت تقول جزمه زرقاء لووول ,,
الله يهديك و تلوم الخلق ما احد عبرك ,,
مو مشكله معوض ,,
و الحقيقه انا ما اشجع هالطرق و المعاكسات ,,
لان المهم فيها الشكل !!
و انت ملاحظ هههههههههههه
ع العموم ,,
عيد مبارك عليك انت و جزمتك ,,
<< ودي اقول حط صورتك بس منعاً للأحراج
:)
دمت كما انت جميل بأسلوب ,,
لك تحيه ,,
هههههههههههههههههههه
الله يقطع ابليسك ,,,,
اجل حياة موول !!
انا بصراحة من اروح لهالسوق وانا عارفة وحاطة براسي اني بشوف اشكال والوان وابداعات من شبابنا المصون ,,
واشكالهم نفس الصورة اللي انت حاطها في موضوعك هذا ,,
يقالنهم مغنين راب ع غفلة !!
انا بس اشوفهم واضحك واتحمد ربي ,,
ذولا مصدقين اعمارهم ولا ايش بالضبط ؟
عموما موضوع شيق اخوي هواجيييس ووسعت صدري الله يوسع صدرك لاني شايلة هم , الدوامات راح تبدا بعد بكرا ومااالي خلق صرااحة :(
اشكرك جزيل الشكر ,,
في انتظار المزيد من قصصك :)
تحياتي ,,
لا لا لا لا <<< مسكت خط
ننبي نشوف الجزمة الزرقاء كود احد هنا يخق معاها
هههههههههههههههههههه
الله يستر بس
حياة مول سمعت عنه كثثثثثثثثثثثثير صراحه
الله يستر بس ... كل يوم نسمع قصه شكل
زمان يخوف :(
وانت اعقل انت وجزمتك الزرقاء
يعطيك العافيه اسلوب فكاهي
بس بين طياته معاني كثير وشي لازم يوصل للكل
لاعدمنا روحك المرحه .. وقلمك <<< وشعندها قلبت فصحى
// ههههههههههههههه //
بصراحة موضوووع توووحفة أخوي هواجيس ..
من جد حياة مول عجبة الزمن !! رح اتمشى واحمد ربكـ على النعمة أحسهم من جد ناس فاضية الله يمتعنا بعقولنا ..
أما الجزمة الزرقا حقتكـ بصراحة حركة // هههههههههههههه //
يعطيكـ العافية على الموضوع الرايق اللي ينتقد تصرفات شباب وبنات هالزمان ..
ومن جد الله يكافينا شر اللي جاي بس ..
:)
دمت بخير ..
يوم انك تروح ولا تعلمني ؟؟؟؟
فاتني فلم الحياة مول صدق الحياة فيذ1ك
غير
والله الجزمة شكلها حصري هع هع
والمطاعم مو اول مرهـ تصير كذ1
والددش متعودين كلن يناظر الناس بيعن ددشه
المهم ننتظر رحتك الجايه
شطفك سهم ---->
ههههههههههههههههه
هههههههههههههههههههه
بجد ونااااااااسة خلاص المرة الثانية إذا جيتتروح قول لي عشان أروح وأرفع معنوياتك وأمدح جزمتك الزرقاء امممممممممم بصراحة أسلوبك جدا رائع وممتع ودمك خفيف <<<<< عندها عقدة من ثقالة دمها خخخخخخخخخخخ
طرح لفكره وتصرفات غير مقبوله بأسلوب شيق فكاهي ..
هواجيس وين شركات الانتاج عنك ..
من اول جزء راح تضرب طاش ما طاش خخخخخ
طلبتك تكفى صوره للجزمه ولو كنت كريم تكون الصوره متكامله بيك طبعا خخخخخ
على العموم اهنيك رسمت الفرح بعيون كل من قرأ ما خطته اناملك ..
الله يسعدك و يحفظك ويحيمك ..
أسيرة اللوحة
يا قدمك انتي تدورين الشكل
شكلك ما عمرك سمعتي عن شي اسمه
أهم شي الأخلاق هخخخخخخخخ
<<< عاش مصررف
وزرقا يقالي صاير مميز واني المتطور طلعت من الجناديه من جد خخخخخخ
علينا وعليك وجزمتي لا تكلمين عليها بعدين تزعل خخخخ << مدلها اوي اوي
ولك أطيب التحايا
بدور
يووووووووه ذكرتيني أيام الدراسه ايام اول
طول العطله سهرانين واذا جا يوم الجمعه
اللي قبل الدراسه نسبط في مراقدنا من بعد صلاة العشاء نبي ننوم غصب
ويجينا الهبال والكتمه وضيقة الصدر
من المرررررقد بدون فايده
واذا عزمنا نقوم من الفراش
اللين كل العالم نايمه ونجلس لحالنا في هالليل
خاايفين ونسبط من الخوووف والهدوء المقطع جدا حتى يجي الفجر
وبعد كل هالقصه اللي تتكرر كل سنه
نروح للمدرسه مواصلين ونا ما ندري خخخخخخخخخخخخخخ
وبعد ما نرجع يا ندبغ نوم بعد الظهر او في المدرسه
هع هع هع هع
لذلك اعقلي وخلي عنك خوف قبل الدراسه
وخلك حرمه وكبيره يالله واشتري لك حلاوه
خخخخخخخ << صار يمون وبيتسطر
مدرسه مدرسه مدرسه
كليه كليه كليه
^
^
^
جالس اخووف بدور خخخخخخخ
أطيب التحاايا
اقصوصه
وانت بصحة وعافيه وكل سنه وانتي طيبه
وتراني رايح حياة مول
ارجعي شوفي الموضوع احسك مضيعه طال عمرك
<<< وده يصيح حس انها ما تدري وش السالفه خخخخخخخخخخخ
أطيب التحايا
أحساس طفله
وش
لا لا لا <<< تف تف تف بسم الله الرحمن الرحيم اللهم سكنهم مسااكنهم
وش فيك داخلك سكني وراك تهرررجين هروج تخووف خخخخخخخخ
يا الجزمه الزرقاء اللي قاهرتكم
شكلي بحط الصوره بريال
واي احد يبي بها دوره يستااجر
الساعه ب 50 << حشى دباب مهوب جزمه الا بطبطه ( لغير الناطقين السعوديه ) خخخخخخخخ
ولا ابد حياة مول ما فيها الا كل شي زين
بس لانك منتي من الرياض تبين تخربين سمعتنا خخخخخخخ يا شين الحسودين شيناااه خخخخخخخخخخخخ
<<< تسطيرر تكفيخ هع هع هع
الله يعافيك ويخليك يا سبويهه
اطيب التحايا
أحاسيس طفله
<<< تقرب لك احساس طفله
احسكم من نفس عائله طفله
^
^
^
خاش عرض بقوووه
من جد حسيتك مهمه يوم قلتي ناس فاضيه من جد خخخخخخخخ
<< اركد البنت اول مره تزورك ونشبت في حنسهاا ( حنكها )
ايه حتى ما تكون الاخيره هع هع
الله يعافيك ويخليك
أطيب التحايا
هلا بسهم ابو قنابل
لانها أداة حرب قديما تقوم مقام القنبله ولا القمبله حديثا ً
والمره الجايه امررك وأعطيك تكشخ بالمشهوره ( جزمتي ) من جد أشتهرت خخخخ
وعاد لا تصير مشفووح تنطط عيونك
خلك ثقيل مثلي <<< الى الحين متمسك بالعادات والتقاليد الغزليه القديمه خخخخه
يعطيك العافيه على المرور والحضور
أطيب التحايا
نبض الروح
خلاص انتي صديقتي حتى أروح
وتجين وتقولين لي قدام العالم ممكن توقع لي
على عبايتي ولا على يدي
حتى من الحماس بفصخ الجزمه وقول ابد هذي هديه لك وابد ما ترديني
وعلى فكره تراهي لينه وطبيه
تصلح للمعلمات اللي تطلع الدرج وتنزل واجد خخخخخخ
وعلى طاري ثقالة الدم
رحت أسأل اي المدرسات دايم ثقيلة دم
<<< ملقوف يبي يعرف تخصصك
من جد طرالي مدرسه الرياضيات خخخخخخخ وفيه من قال إجتماعيات هع هع
^
^
^
ما عنده أسلوب ولا يعرف يجامل
<< يبي يرقع
الا بالعكس دمك شربات وعسل
هااه متى تجين حياة موول خخخخخخخخخ
يعجبني تواصلك ويسعدني
أطيب التحايا
التهور الحرر
يووه من طريتي طاش ما طاش
حسيت انك مباحث تتكلمين على الحكومه
تبين توهقيني خخخخخخخ
<<<< خووف البنت وهي ما قالت شي
خلاص خلاص ولا تخاافين براضيك وأركزز صوره للجزمه الزرقاء وصورتي ونا متلطم
حتى ما تخااافين خخخخخخخ
ورسمت البسمه في عيون ولا براطم
جد شككتيني في وضعي الفكااهي هع هع
<<< يا دمك عاااد
يسعدني ويسرني تواصلك وتواجدك الدائم
والله يعافيك ويخليك ويسلمك على الكلمات الحلوه لا وابشري بعد بعطيك تلبسينها على البحر من قدك بحر ازرق وجزمه زرقا حشى حوت مهوب أنسانه خخخخخخخخخخ
أطيب التحايا
السلام عليكم
روعة مشاركة الاخرين في الاكشن ؟؟؟
الموضوع يحوي افكار رائعة ,,ياحبذا عدم ادخال الهام في نكاتك وتعليقتك
ههههههههههههههه
طيب مدام ودك تعرف تخصصي فماراح أردك أبد <<<< صدقت إنها مهمة وتخصصها مهم خخخخخخخخخخ اممممممممم تخصصي وبكل فخر بس لاتضحك ترى بشوفك لو ضحكت تخصصي عربي لغة عربية وشكلي بصير أتكلم معك بالفصحى خاصة في السوق خخخخخخخخخ
ههههههههههههههه
طيب مدام ودك تعرف تخصصي فماراح أردك أبد <<<< صدقت إنها مهمة وتخصصها مهم
من جد مهم وبقووه لدرجه ان اكثر رسوب عندنا في اللغه وانك تشرحين
بدون ما تتكلمين لغة فصحى خخخخخخخخ
خخخخخخخخخخ اممممممممم تخصصي وبكل فخر بس لاتضحك ترى بشوفك لو ضحكت تخصصي
<<< قضب القرنه(الزاويه)
يبسي ( يصيح=يبكي ) حتى ما
يضحك خخخخخخ
(((عربي لغة عربية))
ومسويه زززحمه وتصارخين وعلمتي حتى اللي في الصين من صراخك وتقولين لا تضحك وبالاخير عربي خخخخخخخخخخخخ هع هع هع
ههههههههههههههه
هنا من جد حسيتك بنقاليه
مهوب القصد بس مدري وش الفرق بين عربي ولغة عربيه خخخخخخخخخ
مثل اللي يقول بطنك يوجعني خخخخخخخ
وشكلي بصير أتكلم معك بالفصحى خاصة في السوق خخخخخخخخخ
اجل خلاص الماريه اللي بينا أعرب ما تحته خط خخخخخخخ حتى أعرفك انك نبض
امشي وقولي أعرب ما تحته خط أعرب ما تحته خط خخخخخخخخخ
<<< يحس ان مدرسين ومدرسات اللغه
ما عنده من الإعراب
الا أعرب ..
ذهب محمد الى السوق خخخخخخخ
<<< شكله بيتسطر صار يمون بقووه
<<< ما ينعطى وجه هع هع
يسعدني تواصلك ومرورك
أطيب التحايا