بحث مخصص
فعلا موقف لا أظن وما هقوتي نسيانه كنت مع أبن أختي في مراجعه في مستشفى لان يدة كانت مكسوره من حادث سياره المهم الولد تووه صغيره يعني عمره تقريبا ً من 12 سنه الى 13 سنه وبعد الإمتحانات كان حلمه بس يفك الجبيره اللي في يده ( الجبس ) ليه يا حلوووين !طبعا لان الإجازه جايه ويتقطع يبي يلعب كوره .. عبود على الحدود .. خطير في الكوره على الرغم من أنه ما يعرف يلعب خخخ لا امززح ظنتي لعيّيب وسر عبود على الحدود هذا نكه في البلوتوث يعني الولد قنبله .. المهم ومالكم في الهررج اللي ماله سنع يمين يسار في هالمستشفى يالله يالله بس متى يفكوونها وندخل المووعد وفيه دكتور سوداني عيوونه تلمع وهو ويشووف الأشعة المهم يحمص ويبحلق ويدقق قال رح للجبس وخلهم يفكوونها اووه فرحة عبود وين عسى بس ما يوصل مدغشقر من السعاده طمرنا للجبس اووه لازم حووسه من بعد ما صار أغلب الممرضيين سعوديين المهم ينادي الدكتور قال فكيت الجبس هنا بدينا بالعد التنازلي للخروج ويجي هالدكتور صاحب العنين اللي تلمعاان ويمسك اليد وقالي أمسك الأصابع وبدا يسأل عبود كم عمرك اوووه ولسااتك صغيره يعني أنت بطل والكلام هذا وشووف واذا الرجال متعنقط في .. أهلن أهلن ..في اليد وخذ يمين يسااار ما ادري بالرجال الا والممرض ينااظرني ونا أناظر الدكتور وش يسووي شووي شووي وكن هرمون الأدرينالين بدا يفررز زياده عندي هاااه وش العلم وتطير عيوني وأصبب عرقان وبدت الدوووخه .... هااااه الرجال يبي يكسرررر اليد ويجبرها من جديد لانها مايله لا لا وخذ ذيك الدووخه اللي ما يعلم فيني وقتها الا الله ما تذكرت وقتها الا فهد الحيان يومه في طاش ما طاش يوم الضحيه يوم يتمدد قدامهم ...اووه يوم لا ينسى في حياتي أبد أبد أبد قالي طيب أمسك يده خلنا نجبرها قلت يا دكتور خلاص مااقدر انا دخت خلاص .. قال دخت أجلسس المهم فكيت يد عبود وروح أغسل ..هو أنا غسلت وترجع الحياة مع أخر قطرات ماء في وجهي المبلووول خوفا ً ..
السؤال اللي جا في بالي على طول ..
هل من الممكن أن تتعدل اليد بدون ذلك الكسر .؟!
مسسسسسسسسسسستحيل ..القصه ونا أخوكم أستوقفتني كثير قلت أوقفكم معي فيها ,,,
من المستحيل أن تتعدل اليد لولا الله ثما ذلك الموقف القوي من الدكتور بكسر اليد وتعديلها .. وهي كذلك أخطائنا من المستحيل أن تتعدل من دون موقف قوي وحاازم وجاااد حتى تسير الحياة على طريقها الصحيح ..
لذلك عندما نعود الى تشريعات إلالهيه نجد ان الأمر لا يستقيم الا بتطبيق شرع ولكم في قص يد السارق حكمه فعندما رفع ذلك الحكم وهمّش كثر السرق والنهب وعندما نطبيق ذلك الحكم على السارق تأخذنا به الرأفه والرحمه وما نسينا أننا لا بد لنا من موقف حازم وجاد حتى نمنعه من السرقه ونمنع إستمراره ونمنع أن تكون الأيدي مائله مدى الدهررر ..هاااه فهمتوووا الدرس يا حلوين .
الاشتراك في:
تعليقات الرسالة (Atom)
Katon, Goukakyu no jutsu.
Interesting topics could give you more visitors to your site. So Keep up the good work.
lotto results
Continue the good work you are with your presence and
Dear thousand thanks to your presence and your signature
الله يخلي قووقل للترجمه
لا يغركم هالانجليزي .. مع أطيب التحايا
:::::::::::::::::::
بارك الله فيك ...
أول وقبل كل شيء الحمد الله على سلامة ابن اختك ..
وأسال الله ان يعافيه ويشفيه ..
أعجبتني هذه الفقرة :
((وهي كذلك أخطائنا من المستحيل أن تتعدل من دون موقف قوي وحاازم وجاااد حتى تسير الحياة على طريقها الصحيح ..))
هذا الموقف ربما يكون جزء من حياتنا يمر علينابدون وعي ولا ادرك له ولا حتى جزء من التفكر ..
فكر نير وواعي أسال الله أن يحفظك ..
دمت مبدعا
حفظك الله
::::::::::::::
عزيزتي الوجد
الله يسلمك ويعافيك .. والله يجزاك بالخير
أشكر لكِ تلك الوقفه وهي ما كنت أريد الوصول اليه في موضوعي ..
والله يخليك يارب ..
مع أطيب التحايا
ههههههههههههههههه
الله حلوه القصه ^_^
صحيح الأخطااءلايمكن لها ان تتعدل دوون موااقف ..
كلماتك الصادقه اعجبتني
لكَ مني ارق واعذب الأمنيات
دمت بخير
هلا بنت محمد ..
هي مواقفنا التي نتعلم منها ..
وهي زيارتك التي تسعدنا ..
أشكرك على الحضور والتوقيع
فحضوركم شرف أتمنى إستمراره